ad ad

राजनीति


पूर्वी नवलपरासीमा ३१ हजार मत बदर

पूर्वी नवलपरासीमा ३१ हजार मत बदर

नेपालखबर
मंसिर १४, २०७९ बुधबार १५:२०, काठमाडौँ

यही मंसिर ४ गते सम्पन्न प्रतिनिधिसभा र प्रदेशसभा निर्वाचनमा पूर्वी नवलपरासीमा प्रत्यक्ष र समानुपातिक गरेर ३० हजार ९२५ मत बदर भएका छन्। 

जिल्ला निर्वाचन कार्यालयका अनुसार प्रतिनिधिसभा सदस्य प्रत्यक्ष र समानुपातिक तथा प्रदेशसभा प्रत्यक्ष र समानुपातिक गरी सो संख्यामा मत बदर भएका हुन्। जिल्लाको क्षेत्र नं १ मा प्रतिनिधिसभाको प्रत्यक्षतर्फ ८६ हजार ६७० मत खसेकामा चार हजार १०३ मत बदर भएका छन्। 

प्रदेशसभा तर्फ क्षेत्र नं १ (१) मा कूल खसेको मत ४१ हजार ४०१ मध्ये एक हजार ७४४ मत बदर हुँदा प्रदेश सभाको क्षेत्र नं १ (२) मा एक हजार सात ७७७ मत बदर भएका हुन्। यो प्रदेशसभा निर्वाचन क्षेत्रमा ४५ हजार १२९ मत खसेको थियो ।  

त्यसैगरी क्षेत्र नं २ मा प्रतिनिधिसभाको प्रत्यक्षतर्फ ८५ हजार ८८ मत खसेकामा तीन हजार ४६२ मत बदर भएका छन्। प्रदेशसभातर्फ क्षेत्र नं २ (१)मा कूल खसेको मत ४२ हजार ५९० मध्ये एक हजार ३३६ मत बदर हुँदा प्रदेश सभाको क्षेत्र नं १ (२) मा एक हजार २१४ मत बदर भएका हुन्। 

यो प्रदेशसभा निर्वाचन क्षेत्रमा ४२ हजार चार ४९६ मत खसेको थियो।  समानुपातिकतर्फ प्रतिनिधिसभा क्षेत्र नं १ मा ८७ हजार ४९१ मत खसेकामा तीन हजार ७८५ मत बदर भएका छन् भने क्षेत्र नं २ मा ८३ हजार ६८६ मत खसेकामा तीन हजार ४२१ मत बदर भएको जिल्ला निर्वाचन कार्यालयका प्रमुख लालप्रसाद भुसालले जानकारी दिए।

 त्यसैगरी प्रदेशसभा तर्फ क्षेत्र नं १ (१) मा कूल खसेको मत ४१ हजार २३१ मा तीन हजार १६४ मत बदर भएका छन् भने क्षेत्र नं १ (२)मा कूल खसेको मत ४५ हजार १०४ मा तीन हजार २१९ मत बदर भएका भुसालले बताए। प्रदेशसभाको क्षेत्र नं २(१)मा कूल खसेको मत ४२ हजार ३९७ मा एक हजार ९७८ मत र क्षेत्र नं २(२)मा कूल खसेको मत ४२ हजार ६२८ मा एक हजार ७२२ मत बदर भएको प्रमुख भुसालले जानकारी दिए।

धेरैजसो बदर भएका मत एउटै मतपत्रमा रहेका दुई वा दुईभन्दा बढी चुनाव चिह्नमा स्वस्तिक छाप लगाएको भेट्टिएको प्रमुख भुसालले बताए।

उनले भने, ‘केही मतपत्रमा औँठाको छाप लगाएको भेट्टिएर बदर भएका छन् भने अधिकांशमा दुई वा दुईभन्दा बढी चिह्नमा छाप लगाएको पाइयो।’

यहाँका सबै वडामा स्वयंसेविका परिचालन गरेर १५ दिन समुदायस्तमै पुगेर मतदाता शिक्षा कार्यक्रम सञ्चालन गरिएको थियो। पूर्वी नवलपरासीमा दुई लाख ६० हजार चार सय ६१ मतदाता रहेका थिए। रासस

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .