युनिकोड
गण्डकीका सबैजसो निर्वाचन क्षेत्रमा मतगणना सुरु भएको छ।
मतगणनाको प्रारम्भिक परिणाम अनुसार राजधानी कास्कीको प्रतिनिधिसभातर्फको २ वटा क्षेत्रमा राष्ट्रिय स्वतन्त्र पार्टीका उम्मेदवार अगाडि देखिँदा अन्य क्षेत्रमा भने सत्ता गठबन्धनका उम्मेदवारले नै अग्रता कायम गरेका छन् ।
गण्डकीको १८ वटा क्षेत्रमध्ये २ वटाको परिणाम आइसकेको छ भने बाँकी १६ वटामध्ये गोरखामा माओवादी केन्द्रका अध्यक्ष पुष्पकमल दाहाल, तनहुँका कांग्रेसका वरिष्ठ नेता रामचन्द्र पौडेल, २ मा कांग्रेसकै शंकर भण्डारी, बागलुङ क्षेत्र नम्बर २ मा गठबन्धनको तर्फबाट उम्मेदवारी दिएका माओवादी नेता देवेन्द्र पौडेल, लमजुङमा एमालेका उपमहासचिव पृथ्वीसुब्बा गुरुङ, कास्की १ मा एमालेका मनबहादुर गुरुङ, स्याङ्जामा कांग्रेसका राजु थापा, पर्वतमा कांग्रेसका अर्जुन जोशी अगाडि देखिएका छन्।
कास्कीको निर्वाचन क्षेत्र नम्बर २ र ३ मा राष्ट्रिय स्वतन्त्र पार्टीका माधवप्रसाद कँडेल र योगराज पौडेल अगाडि छन्। कास्की प्रदेश नम्बर २ को ‘क’ मा राष्ट्रिय प्रजातन्त्र पार्टीका विजयबहादुर भण्डारीले प्रारम्भिक अग्रता कायम गरेका छन्।
कास्कीको क्षेत्र नम्बर ३ को ‘क’मा एमालेका गणेशमान गुरुङ अगाडि देखिएका छन्। गण्डकीमा प्रतिनिधिसभातर्फ १९ र प्रदेशसभातर्फ प्रत्यक्षमा ३६ सिट रहेका छन्। यद्यपि, मतदाताले देखाएको नयाँ रुझानले चर्चित नेताहरुको विजय यात्रा पनि धर्मराएको छ। उनीहरु सशंकित देखिन्छन्।
बागलुङ १ मा राष्ट्रिय जनमोर्चाका अध्यक्ष चित्रबहादुर केसी पछाडी परेका छन्।
प्रतिक्रिया