राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले निर्वाचनको पूर्वसन्ध्यामा भएका मत सर्वेक्षणप्रति आपत्ति जनाएका छन्।
शनिबार साँझ एक विज्ञप्ति जारी गर्दै लिङ्देनले हचुवा र प्रायोजित सर्वेक्षण सार्वजनिक गरिनु निर्वाचनको आचारसंहिता विपरित भएको बताएका छन्।
‘प्रतिनिधिसभा र प्रदेश सभाको निर्वाचनको पूर्व सन्ध्यामा निर्वाचनलाई प्रभावित तुल्याउने बदनियतका साथ हचुवा र प्रायोजित सर्वेक्षण सार्वजनिक हुनु÷गरिनु आपत्तिजनक मात्रै होइन निर्वाचनको आचारसंहिता विपरीत छ,’ लिङ्देनले भनेका छन्, ‘यस्ता कार्यहरू अविलम्ब रोक्न, सार्वजनिक गरिएका सर्वेक्षण रेकर्डबाट हटाउन र यसको प्रभावकारी अनुगमन गर्न राप्रपा निर्वाचन आयोगको गम्भीर ध्यानाकर्षण गराउँदछ।’
339
Shares
प्रतिक्रिया