युनिकोड
नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले राष्ट्रपति विद्यादेवी भण्डारीलाई संविधानको उल्लंघन गर्ने छुट हुन सक्ने बताएका छन्।
संसद्बाट दोस्रो पटक पारित भएर शीतलनिवास बुझाइएको नागरिकता विधेयक १५ दिनसम्म पनि प्रमाणीकरण नभएपछि उनले राष्ट्रपतिलाई संविधानको उल्लंघन गर्ने छुट हुन सक्ने बताएका हुन्।
नेता श्रेष्ठले बुधबार दिउँसो ट्विट गर्दै राष्ट्रपति भण्डारीले नागरिकता विधेयक प्रमाणित नगर्नु संविधान विपरितको गलत कदम भएको पनि बताएका छन्।
‘नागरिकता विधेयकको प्रकृया र अन्तर्निहित मुद्दाहरुका सम्बन्धमा राष्ट्रपतिज्यूले सरोकार देखाउनु भएका कतिपय विचारहरुसँग हाम्रो सहमति छ,’ उनले लेखेका छन्, ‘तर, राष्ट्रपतिलाई संविधानको उल्लंघन गर्ने छुट भने हुन सक्दैन। तसर्थ राष्ट्रपतिले नागरिकता विधेयक प्रमाणित नगर्नु संविधान विपरितको गलत कदम हो।’
प्रतिक्रिया