प्रतिनिधि सभाको बैठक बस्दै, सम्भावित कार्यसूचीमा समितिहरूमा सदस्य मनोनयन तथा हेरफेर

प्रतिनिधि सभाको बैठक आज (आइतबार) बस्दै छ। 

प्रतिनिधि सभाका सचिव गोपालनाथ योगीका अनुसार बैठक दिउँसो २ बजे बस्ने छ। 

आजको बैठकको सम्भावित कार्यसूचीमा सभामुख अग्नि सापकोटाले कार्यव्यवस्था परामर्श समितिमा सदस्यहरू मनोनयन गर्ने उल्लेख गरिएको छ। 

यस्तै संघीय संसदको संयुक्त बैठक र संयुक्त समिति (कार्यसञ्चालन) नियमावली, २०७५ को नियम २५ र २७ बमोजिम गठित समितिहरूमा सदस्यहरूको नाम हेरफेर गर्ने कार्यसूची पनि समावेश छ ।

सभामुख सापकोटाले प्रतिनिधि सभा नियमावली, २०७५ को नियम १७२ बमोजिम गठित विभिन्न समितिहरूमा सदस्यहरूको नाम हेरफेर गर्नेछन्।