बालेन्द्रलाई भक्तपुरको विकास हेर्न महेश बस्नेतको निम्ता

नेकपा एमालेका सांसद महेश बस्नेतले काठमाडौँ महानगरका मेयर बालेन्द्र शाहलाई भक्तपुरको विकास हेरेर सिक्न आग्रह गरेका छन्।

उनले डोजर चलाएर मेयर शाहले जनतालाई दुःख दिएको आरोप लगाए। 

‘जनतालाई दुःख दिने काम नगरौँ भन्ने मेरो आग्रह हो, गर्नुहुन्छ भने त मेरो के लाग्छ। मैले मेरो जिल्ला, मेरो क्षेत्र नमुना बनाएको छु। भक्तपुर गएर सिक्नुस्,’ बस्नेतले रिपोर्टर्स क्लबमा भने, ‘नक्सापास नभएको भन्ने आधारमा डोजर चलाउन पाइँदैन।’

नक्सापासको अवधारणा भूकम्पपछि मात्र आएको उनको दाबी थियो।

‘उपत्यकाका १८ जना मेयरले नक्सा पास नभएका सबै घर डोजर लगाएर भत्काउने हो भने उपत्यकf बस्नलायक रहँदैन,’ उनले भने।