युनिकोड
माउ पार्टीका नेताहरुबीच तीव्र विवाद भइरहेका बेला नेकपा एमाले र नेकपा एकीकृत समाजवादीनिकट वकिलहरू भने एकै ठाउँ जुटेका छन्।
नेपाल बार एसोसिएसन उच्च अदालत पाटन इकाईको चुनावका लागि एमाले र एकीकृत समाजवादीबीच गठबन्धनका लागि सहमति भएको छ।
आगामी असार २५ गते हुने उच्च अदालत पाटन, बार इकाईको निर्वाचनमा एमाले र समाजवादीनिकट वकिलहरूबीच गठबन्धन गर्न सहमति भएको छ।
दुवै पार्टीनिकट संगठनले पद पनि बाँडफाँट गरिसकेका छन्। सहमतिअनुसार अध्यक्षसहित १४ पद एमालेनिकट वकिलहरूले लिने भएका छन्। उपाध्यक्ष र सहसचिवसहित ५ पद एकीकृत समाजवादीनिकट वकिलहरूको भागमा परेको छ।
उच्च अदालत पाटन बार इकाइमा एमाले र एकीकृत समाजवादीको बलियो पकड छ।
प्रतिक्रिया