परराष्ट्रमन्त्रीबाट महाविजय चैत्यको अवलोकन

राष्ट्रपति विद्यादेवी भण्डारीका साथ मित्रराष्ट्र म्यान्मारको राजकीय भ्रमणमा रहेका परराष्ट्रमन्त्री प्रदीपकुमार ज्ञवाली तथा उच्चपदस्थ अधिकारीले शनिबार यांगुनस्थित महाविजय चैत्यको अवलोकन गरेका छन्।

मन्त्री ज्ञवालीसहितको टोलीले त्यहाँस्थित बुद्धको मूर्तिको समेत अवलोकन गरेको थियो। प्यागोडाशैलीको यो मन्दिर धम्माराखिता पहाडमा पर्छ। नेपाली प्रमण्डललाई त्यहाँस्थित स्थानीय सरकारका प्रमुखले स्वागत गरेका थिए।

सन् १९८० मा तत्कालीन राजा वीरेन्द्र शाह त्यहाँको भ्रमणमा जाँदा सो चैत्यमा बुद्धको मूर्ति उपहार दिएको थियो । यस मन्दिरका संस्थापक नि विन हुन्। रासस