युनिकोड
नेपाली कांग्रेसका वरिष्ठ नेता रामचन्द्र पौडेल पक्षको बैठक आज (आइतबार) बस्दै छ।
कांग्रेसका महामन्त्री शशांक कोराइरालका स्वकीय सचिव भरत तिवारीका अनुसार बैठक मध्याह्न १२ बजे कोइराला निवासमा बस्नेछ। बैठकमा १४औं महाधिवेशनको तयारी तथा क्रियाशील सदस्यता विवादबारे छलफल हुनेछ।
वरिष्ठ नेता पौडेलको संयोजनमा बस्न लागेको बैठकमा कांग्रेसको संस्थापनइतर समूहका महामन्त्री शशांक कोइराला, नेताहरू प्रकाशमान सिंह, अर्जुननरसिंह केसी, मीनेन्द्र रिजाल, शेखर कोइरालालगायत सहभागी हुने उनले बताए।
यसैगरी बैठकमा संस्थापन इतर समूहमा रहेका क्रियाशील सदस्यता छनबिन समितिका सदस्यहरू प्रवक्ता प्रदीप पौडेल, कल्याण गुरुङ र जीवन परियार पनि सहभागी हुनेछन्।
प्रतिक्रिया