युनिकोड
चिनियाँ कम्युनिस्ट पार्टीका महासचिव सी चिनफिङले विश्वका विभिन्न पार्टीका नेताहरुसँग गर्ने सम्मेलनमा नेपालका प्रमुख दलका शीर्ष नेताहरु आज ५ बजे सहभागी हुने भएका छन्।
आज हुने भर्चुअल कार्यक्रममा प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल, जनता समाजवादी पार्टीका डा. बाबुराम भट्टराई र उपेन्द्र यादव, राप्रपाका अध्यक्ष पशुपति शम्शेर जबरालगायत सहभागी हुनेछन्।
मंगलबार हुने कार्यक्रममा भारतबाहेकका दक्षिण एसियाका विभिन्न देशका नेताहरुलाई आमन्त्रण गरिएको छ।
सो कार्यक्रममा १ सय ६० भन्दा बढी देशका राजनीतिक दल तथा संगठनका ५ सय नेताहरु र राजनीतिक दलका करिब १० हजार प्रतिनिधिको सहभागिता रहने चिनियाँ कम्युनिस्ट पार्टीको अन्तर्राष्ट्रिय विभागका प्रवक्ता हु झाओमिङले सिन्ह्वालाई बताएका छन्।
प्रतिक्रिया