उम्मेदवारी दर्ता गराउन रोल्पा पुगे वर्षमान

नेपाली कम्युनिस्ट पार्टी (नेकपा) नेता वर्षमान पुन आगामी २१ फागुनमा हुने प्रतिनिधिसभा निर्वाचनका लागि उम्मेदवारी दर्ता गर्न गृहजिल्ला रोल्पा पुगेका छन्। 

पत्नीसमेत रहेकी पूर्वसभामुख ओनसरी घर्ती र नेता झक्कु सुवेदीसहित गृहजिल्ला प्रवेश गरेका पुनलाई सुनिल स्मृति गाउँपालिका ४ सुलीचौरमा पार्टी कार्यकर्ता र स्थानीयले स्वागत गरेका छन्।
 
पूर्वअर्थमन्त्री पुन तेस्रोपटक रोल्पाबाट उम्मेदवार बन्दैछन्। यसअघि उनी ०७४ र ०७९ को निर्वाचनमा नेकपाको आधार क्षेत्र मानिने रोल्पाबाट विजयी भएका थिए।