युनिकोड
मोरङको विराटनगर महानगरपालिका-४, दुधफारम चोकमा चेकजाँचका लागि राेकिएकाे ट्रकमा मोटरसाइकल ठोकिँदा एकजनाकाे मृत्यु भएको छ।
बुधबार राति भएको दुर्घटनामा मोटरसाइकल चालक सुनसरीको बर्जु गाउँपालिका-६ का २८ वर्षीय पुष्पकुमार चौधरीको मृत्यु भएको हो।
प्रहरीका अनुसार, राति साढे ८ बजेतिर प्रहरीले प्रदेश १-०२-००१ क ५१८९ नम्बरको मिनी ट्रक रोकेर चेकजाँच गरिरहेको थियो। त्यही बेला हुइँकिएर आएको प्रदेश १-०२-००४६ प ६४०१ नम्बरको मोटरसाइकल उक्त ट्रकपछाडि ठोकिएको हो।
दुर्घटनामा गम्भीर घाइते भएका चौधरीलाई तत्काल स्थानीय नोबेल अस्पताल पुर्याइए पनि उपचारका क्रममा उनको मृत्यु भएको प्रहरीले जनाएको छ।
मोटरसाइकल ठोकिएको ट्रकसहित चालक मोरङ बुढीगंगा गाउँपालिका-१ का ३१ वर्षीय सन्तोषकुमार आचार्यलाई प्रहरीले नियन्त्रणमा लिएको छ।
उक्त ट्रक विराटनगरबाट नेमुवातर्फ जाँदै थियो।
प्रतिक्रिया