युनिकोड
झापा र इलाममा गरी करेन्ट लागेर दुई जनाको मृत्यु भएको छ।
विराटनगरस्थित प्रदेश प्रहरी कार्यालयले आइतबार दिएको जानकारीअनुसार करेन्ट लागेर झापाको कनकाई नगरपालिका-१ का ६६ वर्षीय ताराबहादुर विश्वकर्मा र इलामको माई नगरपालिका-८ का ४६ वर्षीय मदनकुमार राईकाे मृत्यु भएको हो।
विश्वकर्मालाई शनिबार साँझ आफ्नै घरमा पानी तान्ने मोटरको तार जोड्ने क्रममा करेन्ट लागेकाे थियो।
गम्भीर घाइते भएका उनलाई उपचारका लागि अस्पताल लाँदै गर्दा बाटोमै मृत्यु भएको प्रहरीले जनाएको छ।
यस्तै राईलाई भने मोबाइल चार्ज गर्ने क्रममा करेन्ट लागेको थियो।
प्रहरीका अनुसार घरमा कोही नभएको अवस्थामा मोबाइल चार्ज गर्ने क्रममा करेन्ट लागेका राई मृत अवस्थामा फेला परेका थिए।
दुवै घटनाबारे थप अनुसन्धान भइरहेकाे प्रदेश प्रहरी कार्यालय विराटनगरले जनाएको छ।
प्रतिक्रिया