युनिकोड
सुनसरीको इनरुवामा बसको ठक्करबाट मोटरसाइकल चालकको मृत्यु भएको छ।
मोटरसाइकलमै सवार महिला घाइते भएकी छन्।
सोमबार राति पूर्वपश्चिम राजमार्गको सुनसरीको इनरुवा नगरपालिका-६ खण्डमा विराटनगरबाट वीरगन्जतर्फ जाँदै गरेको ना ६ ख २९३१ नम्बरको बसले इनरुवाबाट धरानतर्फ जाँदै गरेको को २५ प ३३७८ नम्बरको मोटरसाइकललाई ठक्कर दिएको जिल्ला प्रहरी कार्यालय सुनसरीले जनाएको छ।
बसको ठक्करबाट गम्भीर घाइते भएका हरिनगर गाउँपालिका-३ का ४६ वर्षीय महेशकुमार मेहताको उपचारका क्रममा इनरुवा अस्पतालमा मृत्यु भएको प्रहरीले जनाएको छ।
मोटरसाइकलमा पछाडि बसेकी सुनसरी देवानगन्ज गाउँपालिका-२ का ५७ वर्षीय गुगली मेहता गम्भीर घाइते भएकी छन्।
बस चालक सूर्यनारायण चौधरीलाई जिल्ला प्रहरी कार्यालय सुनसरीले नियन्त्रणमा लिएको छ।
प्रतिक्रिया