सडक बनाउने क्रममा तमोर नदीमा खस्दा २ जना बेपत्ता, खोज्दै प्रहरी

धनकुटामा सडक बनाउने क्रममा तमोर नदीले बगाएर दुई मजदुर बेपत्ता भएका छन्। 

धनकुटाको चौबिसे नगरपालिका–५, मुर्कुतेस्थित तमोर करिडोरमा सडक निर्माण गर्ने क्रममा ३२ वर्षीय राजु तामाङ र १८ वर्षीय डुवा मोक्तान नदीमा खसेका हुन्। 

बुधबार अपराह्न ५ बजे सडक बनाउने क्रममा उनीहरू अचानक चिप्लिएर तमोर नदीमा खसेर बेपत्ता भएको जिल्ला प्रहरी कार्यालय धनकुटाका प्रहरी प्रमुख एसपी कृष्णप्रसाद कोइरालाले जानकारी दिए। 

उनीहरूको खोजी भइरहेको प्रहरीले जनाएको छ।