युनिकोड
सुर्खेतको गुर्भाकोट नगरपालिकामा जंगली च्याउ खाँदा एकै परिवारका ५ जना बिरामी परेका छन्।
गुर्भाकोट नगरपालिका–१०, डाँफेका उनीहरुले शनिबार बिहान जङ्गलबाट ल्याएको च्याउ खाएपछि स्वास्थ्यमा समस्या देखिएको हो।
गुर्भाकोट नगरपालिका–१० का वडाध्यक्ष थामबहादुर खत्रीले पीडित परिवारले शुक्रबार बिहान करिब ९ः३० बजे घर नजिकैको जङ्गलबाट ल्याएको नाम नखुलेको च्याउ पकाएर खाएपछि बिरामी परेको जानकारी दिए।
उनकाअनुसार च्याउ खाएको केही समयपछि उनीहरुमा बान्ता हुने, पेट दुख्ने जस्ता लक्षण देखिएको थियो। यस्तै, जिल्ला प्रहरी कार्यालय सुर्खेतका अनुसार बिरामी पर्नेमा ५४ वर्षीया भिमसरा खत्री, २८ वर्षीया शुसिला श्रीष, २७ वर्षीया जानकी पौडेल, २८ वर्षीया तारा खत्री र १३ वर्षीया शिरिष खत्री रहेका छन्।
सबैजना होशमा छन् र बोल्न सक्ने अवस्थामा रहेका छन्। यस्तै, च्याउ विषालु भएको आशंकामा थप परीक्षणका लागि नमुना संकलन गरिएको प्रहरीले जनाएको छ।
प्रतिक्रिया