युनिकोड
जाजरकोटमा भूकम्पपीडित बसेको अस्थायी टहरामाथि पहिरो खस्दा चार जना घाइते भएका छन्।
जाजरकोटको कुशे गाउँपालिका–८ दल्लेनाका दलसरी थापा र विष्णु थापाको अस्थायी टहरामा माथिबाट पहिरो खस्दा चार जना घाइते भएका हुन्।
गएराति पहिरो खसेको जाजरकोट प्रहरीले जनाएको छ।
जाजरकोटका प्रहरी प्रमुख, डीएसपी पुरुषोत्तमप्रसाद पाण्डेले गएराति करिब ८ बजे पहिरो खसेको जानकारी दिए।
उनका अनुसार उक्त घटनामा २९ वर्षीय कमला थापा, ३५ वर्षीय दलसरी थापा, उनकी ४ वर्षीय छोरी हस्तिका र १७ वर्षीय छोरी निरमाया घाइते भएका छन्।
प्रहरीका अनुसार हस्तिकालाई पहिरोमा पुरिएर बेहोस अवस्थामा बाहिर निकालिएको थियो।
पालिकाको पहलमा घाइतेहरूलाई स्थानीय अस्पतालमा सामान्य उपचारपछि गम्भीर घाइतेलाई थप उपचारका लागि हेलिकप्टर मगाएर प्रदेश अस्पताल कालागाउँ सुर्खेत पठाइएको कुशे गाउँपालिकाका अध्ययक्ष हरिचन्द्र बस्नेतले जानकारी दिए।
प्रतिक्रिया