युनिकोड
सुनको मूल्य आज फेरि बढेको छ।
नेपाल सुनचाँदी व्यवसायी महासंघका अनुसार सुन प्रतितोला आज दुई सय रुपैयाँले मूल्य बढेको हो।
छापावाल सुन आज १ लाख २ हजार ८ सय रुपैयाँ प्रतितोलामा र तेजाबी सुन १ लाख २ हजार ३ सय रुपैयाँ प्रतितोलामा कारोबार भएको छ।
त्यस्तै आज चाँदीको मूल्य पनि १० रुपैयाँले बढेको छ। चाँदी आइतबार प्रतितोला १ हजार ४ सय २५ रुपैयाँमा कारोबार भएको छ।
यसअघि शुक्रबार छापावाल सुन १ लाख २ हजार ६ सय, तेजाबी सुन १ लाख २ हजार १ सय रुपैयाँ र चाँदी १ हजार ४ सय १५ रुपैयाँ प्रतितोला कारोबार भएको थियो।
अन्तर्राष्ट्रिय बजारमा आज सुनको मूल्य घटेको छ। अन्तर्राष्ट्रिय बजारमा सुन प्रतिऔँस ८.०२ अमेरिकी डलरले घटेर १ हजार ९ सय ८७ दशमलव ९९ अमेरिकी डलरमा कारोबार भएको एजेन्सीहरुले जनाएका छन्।
प्रतिक्रिया