युनिकोड
थाइल्यान्ड-कम्बोडियाको विवादित सीमा क्षेत्रमा थाई सेनाले हिन्दु देवताको मूर्ति नष्ट गरेकोप्रति भारत सरकारले चिन्ता व्यक्त गरेको छ।
दुई देशबीच जारी सीमा विवादका क्रममा गत सोमबार थाइल्यान्डले बुलडोजर लगाएर विष्णुको मूर्ति भत्काइदिएको हो। कम्बोडियाले त्यो मूर्ति आफ्नो क्षेत्रमा रहेको दाबी गरेको छ।
यसप्रति चासो देखाउँदै भारतको विदेश मन्त्रालयले असन्तुष्टि व्यक्त गरेको हो।
भारतको विदेश मन्त्रालयले भनेको छ, 'हालै निर्माण गरिएको हिन्दु देवताको मूर्ति नष्ट गरिएको रिपोर्ट आएको छ। मूर्ति थाइल्यान्ड र कम्बोडियाबीच जारी सीमा विवादबाट प्रभावित क्षेत्रमा थियो।'
भिडिओ :
Cambodia has condemned the Thai army for demolishing a Hindu Vishnu statue in a disputed border area after more than two weeks of fighting between Cambodia and Thailand.
According to Cambodian officials in Preah Vihear, the statue was built in 2014 and stood several hundred… pic.twitter.com/Epqzy6vzBk — Jacob in Cambodia 🇺🇸 🇰🇭 (@jacobincambodia) December 24, 2025
विदेश मन्त्रालयले विज्ञप्तिमा अगाडि लेखेको छ, 'क्षेत्रीय दाबीलाई ध्यान नदिई यस्ता अपमानजनक कार्यले विश्वभरका भक्तहरूको भावनामा चोट पुर्याउँछन् र यसलाई अनुमति दिनु हुँदैन।'
भारतले फेरि एकपटक दुवै पक्षलाई वार्तामा संलग्न हुन र कूटनीतिक माध्यम अपनाउन अपिल पनि गरेको छ।
विदेश मन्त्रालयले शान्ति पुनर्स्थापना गर्न, जीवन र सम्पत्तिको क्षतिबाट बच्न र सम्पदाको संरक्षण गर्न संवाद आवश्यक रहेको बताएको छ।
प्रतिक्रिया