युनिकोड
भारतमा खोकीको औषधि ‘कोल्ड्रिफ कफ सिरप’ सेवन गर्दा कम्तीमा २० बालबालिकाको मृत्यु भएपछि यो उत्पादन गर्ने कम्पनी स्रिसन फार्माका मालिक एस रंगनाथनलाई प्रहरीले पक्राउ गरेको छ।
भारतीय सञ्चारमाध्यमका अनुसार मध्य प्रदेश प्रहरीले उनलाई गएराति चेन्नईबाट पक्राउ गरेको हो।
उनको औषधि कम्पनी स्रिसन फार्मा भने तमिलनाडु प्रदेशको कान्चीपुरमा छ।
छिन्दवाडाका प्रहरी अधीक्षक अजय पाण्डेले एएनआईलाई बताएअनुसार रंगनाथनलाई अब चेन्नई (तमिलनाडु) को अदालतमा पेस गरिनेछ र ट्रान्जिट रिमान्ड प्राप्त गरेपछि छिन्दवाडा (मध्य प्रदेश) ल्याइनेछ।
भारतको मध्य प्रदेशमा ‘कोल्ड्रिफ कफ सिरप’ सेवनपछि कम्तीमा २० बालबालिकाको मृत्यु भएपछि हंगामा मच्चिएको छ।
यसैबीच नेपालको औषधि व्यवस्था विभागले भने ‘कोल्ड्रिफ कफ सिरप’ यहाँ दर्ता नभएको जनाएको छ।
प्रतिक्रिया