युनिकोड
भारतका विदेशमन्त्री एस. जयशंकरले बंगलादेशका पूर्वप्रधानमन्त्री शेख हसिना जति चाहन्छिन् त्यति समय भारतमा बस्ने पाउने बताएका छन्।
गत वर्ष अगस्टमा बंगलादेशमा विद्यार्थी आन्दोलन चर्किएपछि हसिना १५ वर्षदेखिको सत्ता छाड्दै भारत भागेकी थिइन्। सन् २०२४ अगस्ट ५ देखि उनी भारतको शरणमा छिन्।
यसबीच बंगलादेशको अदालतले ७८ वर्षीया हसिनालाई विद्यार्थी आन्दोलन दमनसँग सम्बन्धित ‘मानवताविरुद्धको अपराध’मा मृत्युदण्डको सजाय सुनाएको छ।
शनिबार एचटी लिडरसिप समिटमा भारतका विदेशमन्त्री जयशंकरलाई सोधिएको थियो- हसिना भारतमा कहिलेसम्म बस्न पाउँछिन्?
जवाफमा उनले भने, ‘उनी (हसिना) विशेष परिस्थितिमा यहाँ आएकी थिइन्।...त्यो उनले निर्णय गर्ने कुरा हो।’
प्रतिक्रिया