युनिकोड
ताइवानको रक्षा मन्त्रालयले आइतबार चीनका १२ वटा सैन्य विमान, ५ वटा नौसेना जहाज र एउटा सरकारी जहाज आफ्नो देशआसपास देखिएको दाबी गरेको छ।
यी मध्ये नौवटा विमान ताइवान स्ट्रेटको मध्य रेखा पार गरेर देशको उत्तरी र दक्षिणपश्चिमी वायु रक्षा पहिचान क्षेत्र (एडीआईजेड) मा प्रवेश गरेको दाबी गरिएको छ।
ताइवानको रक्षा मन्त्रालयले सामाजिक सञ्जाल प्लाटफर्म एक्समा भनेको छ, ‘आइतबार (स्थानीय समअनुसार) बिहान ६ बजेसम्म चिनियाँ सैन्य गतिविधि रेकर्ड गरिएको छ। ताइवानको सेनाले परिस्थितिको निगरानी गर्दै जवाफी कारबाही गरेको छ।’
एक दिनअघि शनिबार पनि ८ चिनियाँ सैन्य विमान, ६ नौसेना जहाज र २ सरकारी जहाज आफ्नो देश आसपास देखिएको दाबी ताइवानले गरेको छ। अनि सबै ८ विमान मध्य रेखा पार गरेर ताइवानको मध्य दक्षिणपश्चिमी र पूर्वी एडीआईजेडमा प्रवेश गरे।
चीनले लामो समयदेखि ताइवानलाई आफ्नो क्षेत्र दाबी गरिरहेको छ। चीनले "एक चीन नीति"अन्तर्गत ताइवानको दाबी गरिरहेको हो।
तर ताइवानमा आफ्नै सरकार, सेना र लोकतान्त्रिक व्यवस्था छ। एजेन्सी
प्रतिक्रिया