युनिकोड
यूके मेरिटाइम ट्रेड अपरेसन्स (यूकेएमटीओ) का अनुसार इरानको इस्लामिक रिभोलुसनरी गार्ड कोर्प्सले होर्मुज स्ट्रेटमा एउटा ट्यांकरमा गोली चलाएको छ।
यूकेएमटीओले यो घटना ओमानबाट २० समुद्री माइल उत्तरपूर्वमा भएको जनाएको छ। यद्यपि ट्यांकर र यसको चालक दल सुरक्षित रहेको बताइएको छ।
साथै तीन स्रोतले रोयटर्सलाई बताएअनुसार होर्मुज स्ट्रेट पार गर्ने प्रयास गर्दा कम्तीमा दुई व्यापारिक जहाजमाथि गोली चलाइएको हो।
इरानी सञ्चारमाध्यममा होर्मुज स्ट्रेट बन्द भएको रिपोर्ट आएपछि धेरै जहाजले आफ्नो मार्ग परिवर्तन गरेका छन्।
इरानको सरकारी सञ्चारमाध्यमका अनुसार देशको सेनाले होर्मुज स्ट्रेटमा नियन्त्रण पुनः सुरु गरेको बताएको छ।
इरानको सरकारी सञ्चारमाध्यमले आईआरजीसीलाई उद्धृत गर्दै भनेका छन्, ‘देशको सेनाले होर्मुज स्ट्रेटमा फेरि नियन्त्रण सुरु गरिएको बताएको छ।’
प्रतिक्रिया