भारतीय वायुसेनाको विमान उड्दाउड्दै बेपत्ता

भारतीय वायुसेनाको सुखोई विमान बेपत्ता भएको छ।

भारतीय वायुसेनाले बेपत्ता विमान खोजिरहेको छ।

भारतीय वायुसेनाले एक्समा गरेको पोस्टअनुसार भारतीय वायुसेना एसयू-३० एमकेआई आफ्नो गन्तव्यबाट हराएको हो।

पोस्टमा लेखिएको छ, 'विमान आसामको जोरहाटबाट उडेको थियो र अन्तिम पटक बिहीबार साँझ ७:४२ बजे सम्पर्क गरिएको थियो। थप विवरण पत्ता लगाइँदैछ। खोज तथा उद्धार अभियान सुरु गरिएको छ।'

कार्बी आङ्लोङ जिल्लामा बेपत्ता विमान दुर्घटना भएको र त्यहाँका मानिसहरूले विस्फोटको आवाज सुनेको दाबी गरिएको छ। यद्यपि यो कुराको आधिकारिक पुष्टि भएको छैन।