युनिकोड
रुसले आक्रमण गर्दा युक्रेनको राजधानी किएभमा ६ लाखभन्दा बढी मानिस बिजुलीविहीन भएका छन्।
बीबीसीका अनुसार रुसले शुक्रबार राति युक्रेनमा ठूलो आक्रमण गरेको हो।
युक्रेनको ऊर्जा मन्त्रालयले बताएअनुसार बिजुलीविहीन भएकामध्ये ५ लाखभन्दा बढी मानिस किएभका हुन् भने बाँकी वरपरका हुन्।
मन्त्रालयका अनुसार, सहर र अन्य धेरै क्षेत्रमा रहेको ऊर्जा पूर्वाधारमा क्षेप्यास्त्र र ड्रोनले आक्रमण गर्दा विद्युत आपूर्ति अवरुद्ध भएको हो।
अधिकारीहरूले शुक्रबार राति युक्रेनमा लगभग ३६ क्षेप्यास्त्र र ६०० ड्रोन प्रहार गरिएको जानकारी दिएका छन्, जसमा परी तीन जनाको मृत्यु भएको छ भने धेरै जना घाइते भएका छन्।
शान्ति सम्झौतामा मध्यस्थता गर्ने अमेरिकाको प्रयासका बाबजुद रुसले युक्रेनमा आक्रमण तीव्र पारेको छ।
प्रतिक्रिया