युनिकोड
इजरायली सेनाले मंगलबार गाजा पट्टीमा भएको हवाई आक्रमणमा धेरै जना ‘आतंकवादी कमान्डर’ मारिएको दाबी गरेको छ।
यद्यपि हमास नियन्त्रित स्वास्थ्य मन्त्रालयले आक्रमणमा अहिलेसम्म १०० भन्दा बढी व्यक्तिको मृत्यु भएको बताएको छ, जसमा ४६ बालबालिका र २० महिलाहरू छन्। थप २५० जना घाइते भएका छन्।
आईडीएफले सामाजिक सञ्जालमार्फत भनेको छ, ‘आक्रमणमा मारिनेहरूमा तीन बटालियन कमान्डर, दुई उपबटालियन कमान्डर र १६ कम्पनी कमान्डरसहित धेरै प्रमुख आतंककारी छन्।’
विज्ञप्तिअनुसार, हवाई आक्रमणले अवलोकन पोस्ट, हतियार उत्पादन डिपो, प्रक्षेपण पोस्ट, भूमिगत सुरुङ र मोर्टार फायरिङ पोजिसनलाई निसाना बनाएको थियो।
विज्ञप्तिअनुसार आक्रमणमा "अक्टोबर ७ को नरसंहारमा संलग्न आतंककारीहरू" मारिएका हुन्।
यसमा संलग्न प्रमुख व्यक्तिहरूको नाम पनि उल्लेख गरिएको छ:
-मोहम्मद इसा, नुख्बा प्लाटुन कमान्डर
-फवाज उवैदा, नुख्बा आतंकवादी सेल कमान्डर
-हतेम माहेर मुसा कुदरा, नुख्बा कम्पनी कमान्डर
-मुजाहिदिन आतंकवादी संगठनका सदस्य मोहम्मद अबु सरिया र निदाल अबु सरिया
प्रतिक्रिया