इजरायलको दाबी: इरानको फोर्डो आणविक परिसर निष्क्रिय पारिएको छ

इजरायलले हालैका आक्रमणले इरानको फोर्डो आणविक परिसर निष्क्रिय पारिएको दाबी गरेको छ। 

बीबीसीका अनुसार इजरायल सरकारको आणविक एजेन्सीले अमेरिका र इजरायली आक्रमणका कारण फोर्डो आणविक परिसर पूर्ण रूपमा निष्क्रिय भएको दाबी गरेको हो। 

इजरायल आणविक ऊर्जा आयोग (आईएईसी) ले भनेको छ, ‘आक्रमणले परिसरको पूर्वाधार नष्ट गरेको छ।’

‘हाम्रो मूल्यांकन के हो भने इरानको आणविक परिसरमा अमेरिका र इजरायली आक्रमणले इरानको आणविक हतियार विकास गर्ने क्षमतालाई धेरै वर्ष पछाडि धकेलेको छ।’

आईएईसीले अगाडि भनेको छ, ‘यदि इरानको आणविक सामग्रीमा पहुँच छैन भने यो उपलब्धि अनिश्चितकालसम्म जारी रहन सक्छ।’

यद्यपि इरानको आणविक प्रतिष्ठानमा आक्रमणबारे पेन्टागनबाट चुहावट भएको प्रारम्भिक गुप्तचर मूल्यांकन रिपोर्टले इरानको आणविक कार्यक्रम नष्ट नभएको र यो केवल 'केही महिनाको लागि' पछि धकेलिको दाबी गरेको छ।

तर अमेरिकाका राष्ट्रपति डोनाल्ड ट्रम्पले यसबारे भनेका छन्, ‘सीएनएन र न्युयोर्क टाइम्सले नक्कली समाचार फैलाइरहेका छन्।’