युनिकोड
पाकिस्तानका प्रधानमन्त्री शहबाज शरिफ टर्कीको भ्रमण सकेर सोमबार इरान पुगेका छन्।
इरानको राजधानी तेहरान पुगेका उनले त्यहाँ इरानको शीर्ष नेतासँग भेटवार्ता गर्नेछन्।
शहबाज शरिफको टर्की भ्रमणको उद्देश्य त्यहाँका जनता र विशेष गरी राष्ट्रपति रेसेप तैयप एर्दोगानलाई हालैको भारत-पाकिस्तान तनावका बेला गरेको समर्थनका लागि धन्यवाद दिनु थियो।
अहिले शहबाज शरिफ इरानमा छन्। भारत-पाकिस्तान विवाद समाधान गर्ने प्रयास गर्ने देशहरूमा इरान पनि पर्छ।
यसैबीच पाकिस्तान सरकारले पूर्व विदेशमन्त्री तथा पाकिस्तान पिपुल्स पार्टीका अध्यक्ष बिलावल भुट्टो जरदारीको नेतृत्वमा एक प्रतिनिधिमण्डल लन्डन, वासिङ्टन र ब्रसेल्स पठाउने संकेत गरेको छ।
प्रधानमन्त्री कार्यालयका अनुसार यो प्रतिनिधिमण्डलले 'विश्वव्यापी स्तरमा भारतको प्रचार र कुरूप षड्यन्त्रहरूको पर्दाफास गर्नेछ।'
अर्कातर्फ भारत सरकारले यस सम्बन्धमा अन्तर्राष्ट्रिय स्तरमा व्यापक कूटनीतिक अभियान चलाइरहेको छ।
यसका लागि भारत सरकारले अमेरिका, युरोप, अफ्रिका र मध्यपूर्वका देशहरूमा संसदीय प्रतिनिधिमण्डल पठाउँदै छ।
प्रतिक्रिया