युनिकोड
अमेरिकी राष्ट्रपति डोनाल्ड ट्रम्पले अमेरिकामा आर्टिफिसियल इन्टेलिजेन्सलाई प्रवर्द्धन गर्ने सम्बन्धमा ठूलो घोषणा गरेका छन्।
बीबीसीका अनुसार ट्रम्पले यसका लागि ५०० अर्ब डलरको लगानी गरिने र यसले एक लाख नयाँ रोजगारी पनि सिर्जना हुने बताएका हुन्।
यो लगानी आगामी पाँच वर्षमा ओरेकल, ओपन एआई र सफ्ट बैंकजस्ता ठूला प्रविधि कम्पनीले गर्नेछन्।
यसका लागि ट्रम्पले नयाँ अमेरिकी एआई कम्पनी 'स्टारगेट' स्थापना गर्ने घोषणा गरेका छन्।
ओरेकलका वरिष्ठ अधिकारी एलिसनले टेक्सासमा डाटा सेन्टर निर्माण गर्ने काम पहिले नै भइरहेको बताएका छन्। जहाँ १० वटा भवन निर्माणाधीन छन् र यसलाई बढाएर २० पुर्याइनेछ।
यसका साथै ओपन एआई कम्पनीका प्रमुख अल्टम्यानले दाबी गरे, ‘यो यस युगको सबैभन्दा महत्त्वपूर्ण परियोजना हो र यो ट्रम्पबिना हुन सक्दैनथ्यो।’
यसैबीच सफ्टबैंक कम्पनीका मासायोसी सनले ट्रम्पका शब्द दोहोर्याए, ‘यो अमेरिकाको स्वर्ण युगको सुरुवात हो।’
प्रतिक्रिया