युनिकोड
अमेरिकाको म्याडिसनस्थित एक विद्यालयमा गोली चल्दा दुई जनाको मृत्यु भएको छ। हमलामा चार जना घाइते भएका छन्।
बीबीसीका अनुसार यो घटना सोमबार भएको हो। विद्यालयमा पुग्दा आक्रमणकारीको पनि मृत्यु भइसकेको प्रहरीले जनाएको छ।
प्रहरीले पीडित वा आक्रमणकारीको बारेमा कुनै जानकारी दिएको छैन। प्रहरीले गोली चलाउनुको कारण थाहा पाउन सकेको छैन।
बीबीसीसँग सम्बद्ध सीबीएस न्युज र अन्य मिडियाका रिपोर्टले आक्रमणकारी महिला भएको उल्लेख गरिरहेका छन्।
म्याडिसनका प्रहरी प्रमुख शान बर्न्सले घटनास्थलमा अफिसरहरूले एउटा ह्यान्डगन बरामद गरेको बताए।
अधिकारीहरूले घटनाका प्रत्यक्षदर्शीहरूलाई आफूले देखेका सबै कुराको जानकारी प्रहरीलाई दिन अपिल गरेका छन्।
प्रतिक्रिया