युनिकोड
सिरियामा बसर अल असदलाई सत्ताबाट हटाउन विद्रोही समूहलाई महत्त्वपूर्ण मद्दत गरेका मोहम्मद अल-बसिरलाई अन्तरिम प्रधानमन्त्री नियुक्त गरिएको छ।
स्थानीय सञ्चारमाध्यमका अनुसार टेलिभिजन सम्बोधनमा अल-बसिरले आफू अर्को वर्ष मार्च १ सम्म पदमा रहन तयार रहेको बताएका छन्।
मोहम्मद अल-बसिरले सानो मन्त्रिपरिषद्को नेतृत्व गर्नेछन्। सार्वजनिक सेवा पुनः सञ्चालन गर्नयसो गरिएको हो।
मोहम्मद अल-बसिर हाल इदलिब प्रान्तको प्रशासनको जिम्मेवारी सम्हालिरहेका छन्।
केही सरकारी निकायले निजामती कर्मचारी र स्वास्थ्यकर्मीलाई काममा फर्किन आग्रह गरेका बेला यो घोषणा भएको हो।
एलेप्पो, हामा र होम्सपछि विद्रोहीले आइतबार राजधानी दमास्कस कब्जा गरेका थिए।
यसपछि विद्रोहीले सिरिया स्वतन्त्र भएको घोषणा गरेका थिए। देश छाडेर भागेका तत्कालीन राष्ट्रपति बसर अल असदलाई रुसले आश्रय दिएको छ।
प्रतिक्रिया