युनिकोड
भारतमा एउटा जहाजको उडानमा ढिलो हुँदा पाइलटमाथि कुटपिट भएको छ। इन्डिगो एयरलाइन्सको एक उडानमा यात्रुले पाइलटलाई कुटपिट गरेको भिडिओ सामाजिक सञ्जालमा भाइरल भइरहेको छ।
भिडिओमा देखिएअनुसार पाइलटले जहाज उड्न ढिला हुने घोषणा गरे तब एकजना यात्रु उनीतिर दौडिएर थप्पड हान्न उत्रिए।
त्यसपछि त्यहाँ अन्य यात्रुले पाइलटलाई जोगाएर कुटपिटमा उत्रिनेलाई उनको सिटतिर लगेर गएको देखिन्छ।
यसक्रममा कुटपिटमा उत्रिएका व्यक्तिले पाइलटलाई भने, ‘जहाज चलाउने हो भने चलाइजानू, होइन भने ढोका खोलिदेऊ, म बाहिर जान्छु।’
त्यही भिडिओमा अर्की महिलाको आवाज पनि सुनिन्छ। जहाँ उनी भन्छिन्- तिमील यो जे गर्यौ, गलत हो।
यो भिडिओ भारतीय राजधानी दिल्लीको भएको बताइएको छ। यो जहाज दिल्लीबाट गोवा जाने तयारीमा थियो।
VIDEO | An incident of a passenger assaulting an IndiGo pilot in the aircraft in Delhi when he announced flight delay was caught on camera.
The flight, which was delayed due to fog and low visibility, was scheduled from Delhi to Goa. IndiGo has filed a complaint regarding the… pic.twitter.com/inBHhKWkpK— Press Trust of India (@PTI_News) January 15, 2024
समाचार एजेन्सी पीटीआईका अनुसार इन्डिगोले यस घटनामा संलग्न यात्रुविरुद्ध प्रहरीमा जाहेरी दिएको छ।
आइतबार दिल्ली र उत्तर भारतमा बाक्लो हुस्सु लागेर भिजिबिलिटी शून्य हुँदा कयौँ घण्टासम्म जहाज उड्न सकेनन्। हुस्सुका कारण कयौँ उडान रद्द भए भने केहीले ढिलो गरी उडान भने।
हिन्दुस्तान टाइम्सका अनुसार भारतमा आइतबार खराब मौसमका कारण ४ सय उडान ढिलो भए। जसमा १० उडानको बाटो परिवर्तन गरियो भने २० वटा रद्द भए।
'पूरै उत्तर भारतमा शून्य भिजिबिलिटी र बाक्लो हुस्सुका कारण कयौँ उडान प्रभावित भए। यसको असर हाम्रो दिनभरको उडानमा देखियो। हाम्रा कर्मचारीले उडानमा भएको ढिलाइबारे यात्रुलाई एयरपोर्टमै जानकारी दिएका थिए। हामी यात्रीहरूको असुविधाका लागि खेद प्रकट गर्छौँ', इन्डिगोले आइतबार भनेको थियो।
प्रतिक्रिया