युनिकोड
भारत प्रशासित जम्मु कश्मिरका पृथकतावादी नेता यासिन मलिककी पत्नी मिशाल हुसेन मलिकलाई पाकिस्तानका अन्तरिम प्रधानमन्त्री अनवरुल हक कक्कडको विशेष सहायकमा नियुक्त गरिएको छ।
पाकिस्तानको प्रधानमन्त्री कार्यालयबाट जारी प्रेस विज्ञप्तिमा बिहीबार मिशाल हुसैन मलिकलाई ुमानव अधिकार र महिला सशक्तिकरणु को सहायक नियुक्त गरिएको बताइएको छ।
मिशाल पाकिस्तानका नागरिक हुन् र त्यहाँ बस्छन्। यासिन मलिकलाई एनआईए अदालतले गत वर्ष मे महिनामा आतंकवादी कोषको मुद्दामा आजीवन कारावासको सजाय सुनाएको थियो। त्यसपछि उनकी श्रीमती मिसालले बीबीसीसँग यस विषयलाई अगाडि बढाउने बताएकी थिइन्।
यासिन मलिक विरुद्ध देशविरुद्ध युद्ध छेडेको, आपराधिक षड्यन्त्र र गैरकानूनी गतिविधिमा संलग्नता जस्ता गम्भीर आरोप लगाइएको थियो। उनले पनि अदालतमा आफूविरुद्ध लगाइएका सबै आरोप स्वीकार गरेका थिए।
बिहीबार नै अन्तरिम प्रधानमन्त्रीका विभिन्न मन्त्रीहरुलाई मन्त्रालय बाँडफाँड गरिएको छ।
यसअन्तर्गत शमशाद अख्तरलाई अर्थमन्त्री, जलील अब्बास जिलानीलाई विदेशमन्त्री र सेवानिवृत्त सेनाका जनरल अनवर अली हैदरलाई रक्षामन्त्री बनाइएको छ।
प्रतिक्रिया