तालिबानको अन्तरिम सरकारमा विभाजन देखिएको छ। तालिबानका वरिष्ठ अधिकारीले बीबीसीसँग यो कुरा बताएका हुन्।
ती अधिकारीले बीबीसीलाई बताएअनुसार राष्ट्रपति भवनमा तालिबानका सहसंस्थापक मुल्ला गनी बरादरको समूह र एक जना मन्त्रीबीच झगडा भएको थियो।
केही दिनयता मुल्ला बरादर सार्वजनिक रूपमा देखापरेका छैनन्। यसपछि तालिबनभित्र नेतृत्वका विषयमा जारी विवाद सतहमा आएको हो।
तर तालिबानले आधिकारिक रूपमा यो रिपोर्टलाई अस्वीकार गरेको छ।
गत अगस्ट १५ तारिख अफगानिस्तानको सत्ता कब्जा गरेको तालिबानले गत सेप्टेम्बर ७ का दिन आफ्नो अन्तरिम सरकार घोषणा गरेको हो।
जसको मन्त्रिमण्डलमा सबै सदस्य पुरुष मात्र छन्। साथै शीर्ष स्थानमा त्यस्ता व्यक्ति छन्, जो अफगानिस्तानमा दुई दशकसम्म भएको युद्धका क्रममा अमेरिकी सेनाविरुद्ध आक्रमणका लागि कुख्यात छन्।
यो पनि : बरादरको विडम्बना: प्रधानमन्त्री हुने चर्चा थियाे, बनाइए उपप्रधानमन्त्री, लगत्तै भए ‘बेपत्ता’
Shares
प्रतिक्रिया