युनिकोड
कास्की प्रहरीले मादक पदार्थ सेवन गरी स्कुल बस चलाउने थप ५ जनालाई पक्राउ गरेको छ।
सोमबार ५ जनालाई पक्राउ गरेको प्रहरीले मंगलबार चेकजाँचको क्रममा थप ५ जना चालकले मादक पदार्थ सेवन गरेको भेटेको हो।
पक्राउ पर्नेमा रत्नज्योति बोडिङ स्कुलका बस चालक पर्वत घर भइ पोखरा ८ बस्ने गोविन्द क्षेत्री, केफ स्कुलका बस चालक पोखरा १६ बाटुलेचौरका सर्वजीत रेग्मी, गुरुकुल विद्यासदनका चालक पर्वत घर भइ पोखरा ९ बस्ने दलबहादुर सुनार, चितवन घर भइ हाल पोखरा ११ बस्ने इमानुयल स्कुलका बस चालक मनबहादुर तामाङ र गण्डकी बोर्डिङ स्कुलका बस चालक रोनिश खनाल रहेका छन्।
उनीहरूमाथि आवश्यक कारबाही प्रक्रिया अगाडि बढाइएको जिल्ला प्रहरी कास्कीले जानकारी दिएको छ।
प्रतिक्रिया