युनिकोड
तनहुँको बन्दीपुर गाउँपालिकामा पछिल्ला दुई महिनामा चितुवाको आक्रमणबाट दुई जना बालबालिकाले ज्यान गुमाएका छन्।
चितुवाको आक्रमण बढ्दै गएपछि चितुवा समात्न राष्ट्रिय निकुञ्ज तथा वन्यजन्तु संरक्षण विभागले ‘डार्टिङ’ टोली परिचालन गरेको जिल्ला डिभिजन वन कार्यालयले जनाएको छ।
बन्दीपुर गाउँपालिका–२ कुवादी र आसपासका क्षेत्रमा नेपाल प्रहरी, सशस्त्र प्रहरी बल र स्थानीयवासीको सहभागितामा टोली परिचालन भएको हो। डिभिजन वन कार्यालयका प्रमुख शरद् अधिकारीले जानकारीका अनुसार टोलीले चितुवालाई नियन्त्रणमा लिएर स्थानान्तरण गर्नेछ।
तनहुँका भानु, बन्दीपुर र आँबुखैरेनी क्षेत्रमा चितुवा आतङ्क बढी छ। तनहुँ जिल्लामा आठ वर्षमा १६ बालबालिकाको चितुवाको आक्रमणबाट मृत्यु भएको छ।
गत सोमबार साँझ घरको आँगनमा खेलिरहेका बन्दीपुर गाउँपालिका–२ कुवादीका छ वर्षीय उत्सव गुरुङको पनि चितुवाको आक्रमणबाट मृत्यु भएको छ। रासस
प्रतिक्रिया