नृपेश उप्रेतीको गजलः मलमल जवानी

लत लागेपछि नछुट्ने, कस्तो नशा रहेछ
चुम्दा अधर ती तिम्रा, बेग्लै मजा रहेछ।

ओढ्नू तिमीले घुम्टो, होला यहाँ लडाइँ
मलमल जवानी तिम्रो, कातिल अदा रहेछ।

प्यासी बगर छ संगै, जो बस्छ प्यास खेप्दै
बग्दै नदी यो आखिर, जाने कता रहेछ।

थाहा हुनेछ दिलमा, महशुस गरे मलाई
जगमा न कोही सार्थक , माया बिना रहेछ।

कालो यो रङभित्र, इन्द्रेणी रङ देख्ने
एउटा भयो जवानी, अर्को सुरा रहेछ।