भारतका प्रसिद्ध कलाकार अमिताभ बच्चनलाई कोरोना संक्रमण, भए अस्पताल भर्ना

भारतका प्रसिद्ध सिने कलाकार अमिताभ बच्चनलाई शनिबार कोरोना संक्रमण भएको पुष्टि भएको छ।

बच्चनले आफूलाई कोरोना परीक्षणको रिपोर्ट पोजिटिभ आएको ट्विटरबाट सार्वजनिक गरेका छन्।

बच्चनले आफ्नो परिवारका सदस्य र स्टाफहरुको परीक्षण गरिएको र उनीहरुको रिपोर्ट आउन बाँकी रहेको बताएका छन् भने आफूसँग नजिकको सम्पर्कमा रहेका अरुलाई पनि कोरोना परीक्षण गर्न आग्रह गरेका छन्।

उनलाई मुम्बईको नानावती अस्पताल भर्ना गरिएको भारतीय सञ्चारमाध्यमहरुले जनाएका छन्।

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020