म्युजिकल फिल्म ‘बानी’ मा आर्यन र करुणाको अधूरो प्रेम

म्युजिकल फिल्म ‘बानी’ मा अधूरो प्रेमकथा समेटिएको छ। जसमा  भावनात्मक प्रेम, दूरी र बिछोडको कथालाई देखाइएको छ। 

यस म्युजिकल फिल्ममा दिनेश क्षेत्रीको शब्द, संगीत र स्वर रहेको छ।  सुब्रत आर्चाय निर्देशन रहेको भिडिओको कथा दिनेशकै कन्सेप्टमा तयार भएको हो। 

सार्वजनिक भिडिओमा अभिनेता आर्यन सिग्देलसहित करुणा श्रेष्ठलाई देख्न सकिन्छ। भिडियोले नेपालको एक युवक र सिक्किमकी एक युवतीबीचको प्रेम सम्बन्धलाई कथावस्तु बनाएको छ, जहाँ प्रेमपछि आउने उतार–चढाव र बियोगान्त मोडले दर्शकलाई भावुक बनाउने प्रयास गरिएको छ। 

यसअघि सार्वजनिक पोस्टर र टिजरले चासो बढाएको ‘बानी’मा संवाद लेखन दिनेश क्षेत्री र केशव भट्टराईले गरेका छन् । आर्यन र करुणासँगै सबिन कट्टेल र सुस्मिता श्रेष्ठको पनि अभिनय छ।