युनिकोड
सुपरहिट बलिउड फिल्म ‘थ्री इडियट्स’ को सिक्वेल बन्ने भएको छ। फिल्म रिलिजको १५ वर्षपछि सिक्वेल बन्न लागेको भारतीय सञ्चारमाध्यमले उल्लेख गरेका छन्।
योसँगै आमिर खान, करीना कपुर खान, आर. माधवन र शर्मन जोशी एकसाथ देखिनेछन्। राजकुमार हिरानीले सिक्वेलको स्क्रिप्ट तयार गरिसकेका छन्।
यस फिल्ममा निर्देशक हिरानीसहित विधु विनोद चोपडा, र आमिर खानको संयुक्त निर्माण रहनेछ। फिल्मको छायांकन भने सन् २०२६ बाट सुरू हुने बताइएको छ।
सिक्वेलको कथा पहिलो भाग जहाँबाट अन्त्य भएको थियो, त्यहीबाट सुरू हुनेछ। दर्शकहरूले रान्चो, फरहान, राजु र पियाको पुरानो आकर्षण हेर्न पाउनेछन्।
सन् २००९ मा रिलिज भएको ‘थ्री इडियट्स’ ले बक्सअफिसमा २ सय करोड भारतीय रुपैयाँको व्यापार गरेको थियो। योसँगै फिल्मले २ सय करोड क्लबमा पुग्ने पहिलो भारतीय फिल्मको इतिहास रचेको थियो।
प्रतिक्रिया