यस्तो छ ‘जारी २’ को ‘अम्लारी फूल’ बोलको गीत

असोज ३ गतेबाट रिलिज हुने फिल्म ‘जारी २: सङ अफ च्याब्रुङ’ को नयाँ गीत सार्वजनिक भएको छ। उपेन्द्र सुब्बाको लेखक तथा निर्देशक रहेको फिल्ममा समावेश ‘अम्लारी फूल’ बोलको गीत सार्वजनिक गरिएको हो। 

सुष्मा सिग्देलको शब्द रहेको गीतमा अभिज्ञा घिमिरे र विकास लिम्बुको स्वर सुन्न सकिन्छ। सुशान्त गौतम संगीत रहेको गीतमा शास्वत श्रेष्ठको संगीत निर्माण, मिक्सिङ र मास्टरिङ छ। गीतको भिडिओमा दयाहाङ राई र मिरुना मगर फिचर्ड छन्। 

रामबाबु गुरुङ, मधु मिजार र जीवन गुरुङले निर्माण गरेका हुन्। फिल्ममा दया, मिरुना र विजय बरालसहित  बुद्धि तामाङ, ऋचा शर्मा, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई र सिर्जना निङ्लेखुको अभिनय  छ।

बाँसुरी फिल्म्स र कबड्डी फिल्म्सको ब्यानरमा निर्माण भएको यो फिल्म बहुप्रतिक्षित फिल्ममध्येको एक हो। ‘जारी’ फिल्म २०८० सालको ब्लकबस्टर फिल्म हो। सो वर्ष फिल्मले नेपाली बक्स अफिसमा १७ करोड माथिको व्यापार गरेको थियो।