युनिकोड
समीर भट्ट अभिनीत फिल्म ‘बलिदान’को प्रि-टिजर सार्वजनिक भएको केही घण्टादेखि नै युट्युब ट्रेन्डिङको शीर्ष स्थानमा छ।
अभिनेता भट्टको जन्मदिनको अवसर पारेर बुधबार सार्वजनिक टिजरलाई दर्शकले रुचाइरहेका हुन्।
हालसम्म टिजरलाई ५ लाखभन्दा बढी भ्युज मिलिसकेको छ।
विदेशमा पनि यस फिल्मप्रति निकै चासो देखिन्छ।
नेपालीहरूको बाक्लो बसोबास रहेका यूएई, कुवेत, कतार, अस्ट्रेलिया, मलेसिया, जापान, र दक्षिण कोरियालगायत मुलुकमा पनि यो टिजर ट्रेन्डिङमा छ।
देशभक्तिपूर्ण भावनाले ओतप्रोत संवाद र दमदार एक्सन दृश्यसहितको प्रि-टिजरमा समीर भट्टको आक्रोशपूर्ण अभिनय देख्न सकिन्छ।
यो फिल्म यस वर्ष दसैँको अवसरमा रिलिज हुँदै छ।
आसुसेन फिल्म्स् प्रालिको प्रस्तुतिमा बनेको फिल्मको निर्देशन सन्तोष सेनले गरेका हुन्।
फिल्ममा समीरसँगै सौगात मल्ल, अर्पण थापा, ऋचा शर्मा, कविता राय, हेमन्त बुढाथोकी, प्रेम पुरीलगायतको अभिनय छ।
फिल्ममा पवन ब्राडफोर्ड बिस्ट निर्माता तथा प्रेम पुरी कार्यकारी निर्माता हुन्।
प्रतिक्रिया