युनिकोड
केही महिनाअघि बलिउड अभिनेता गोविन्दा र उनकी श्रीमती सुनीता आहुजा ३८ वर्षको वैवाहिक जीवन तोड्दै छन् भन्ने हैला फैलिएको थियो।
मराठी फिल्मकी एक अभिनेत्रीसँगको सम्बन्धका कारण गोविन्दाको दाम्पत्य सम्बन्ध बिग्रिएको खबर सार्वजनिक भएको थियो।
तर त्यतिबेला गोविन्दा र सुनीता दुवै यस विषयमा केही बोलेनन्। गोविन्दाका म्यानेजरले भने सम्बन्ध विच्छेदको खबरलाई अस्वीकार गरेका थिए।
यसैबीच त्यो हल्लाका विषयमा सुनीताले हालै एक कार्यक्रममा प्रतिक्रिया दिएकी छन्।
यस विषयमा सोध्ने व्यक्तिसँग ठट्टा गर्दै उनले भनेकी छन्, 'अब तिमी धेरै बोल्दै छोरा। मलाई केही फरक पर्दैन, कुनै पनि खाले खबर आउनेछ। मैले पहिले पनि भनेकी छु- कुनै पनि समाचारका विषयमा जबसम्म हामी मुख खोल्दैनौँ, तबसम्म सबै हल्ला मात्र हुनेछन्।’
आइतबार सुनीताको एउटा भिडिओ सामाजिक सञ्जालमा भाइरल भयो, जसमा उनलाई सोधिएको छ, 'सरलाई कस्तो छ त?'
तर उनी कुनै प्रतिक्रिया नदिई अगाडि बढेकी छन्।
यसअघि पनि सुनीताको एउटा भिडिओ भाइरल भएको थियो, जसमा अभिनेता कहाँ छन् भनेर सोध्दा उनले जवाफ दिइन्, 'म पनि खोजिरहेकी छु।'
भिडिओ:
प्रतिक्रिया