युनिकोड
दिवाकर भट्टराईको निर्देशनमा बन्ने फिल्म ‘नरसिंहाः अवतार’ यतिबेला चर्चामा छ। यसै फिल्मबाट राजेश हमालले ८ वर्षपछि कमब्याक गर्न लागेपछि यो फिल्म सबैको चासोमा छ।
यसैबीच, फिल्मको मुख्य अभिनेत्रीमा नीति शाह अनुबन्धित भएकी छिन्। निर्माणटिमले एक पोस्टर सार्वजनिक गर्दै शाह फिल्ममा भित्रिएको जानकारी दिएको हो।
सार्वजनिक लुक्समा आकर्षक पहिरन र गहनामा सजिएकी नीति निकै सुन्दर देखिएकी छिन्। फिल्ममा उनको भूमिका के हुन्छ भन्ने निर्माण पक्षले खुलाएको छैन।
नरसिंहाको अर्थ भगवान विष्णुको उग्र अवतार हो। निर्माणपक्षले बिहिबार फिल्मको घोषणा गरिएसँगै थिम पोस्टर सार्वजनिक गरेको थियो। जहाँ, थिम पोस्टरले युद्धको सङ्केत गर्छ।
क्रिएटिभ सिने आर्टको प्रस्तुति रहने फिल्म यही भदौबाट छायाङ्कनमा जाने तयारी छ। फिल्मको बजेट तीन करोडभन्दा माथि हुने बताइएको छ।
प्रतिक्रिया