‘द बुल’ तयारीमा लागेका सलमानको फिजिकल ट्रान्सफर्मेसन लुक भाइरल

बलिउड अभिनेता सलमान खान अहिले फिल्म ‘द बुल’ का कारण चर्चामा छन्। हालै बिग बिसको १७ सिजन सकाएपछि उनी यस फिल्मको तयारीमा लागेका छन्।

यसैबीच, सलमानका केही तस्विरहरु सामाजिक सञ्जालमा भाइरल भइरहेका छन्। जसमा द बुलका लागि सलमानले गरेको फिजिकल ट्रान्सफर्मेसनले दर्शकको ध्यान तानिरहेको छ।

हालै एक फ्यान जोडी सलमानको घर ग्यालेक्सी अपार्टमेन्टमा गएका थिए। यसै क्रममा उनले सलमान र उनका बुबा सलीम खानलाई भेटेका थिए। साथै फ्यानले सलमानलाई आफ्नो परिवारका सदस्यहरूसँग भिडियो कलमा कुरा गर्न पनि लगाए। अहिले उक्त भेटघाटका तस्बिर र भिडियो भाइरल भएका छन्।

करण जोहरको बनाउन लागेको सलमान ब्रिगेडियर फारुक बुलसारको भूमिकामा देखिनेछन्। यस फिल्मबाट सलमान र करण २५ वर्षपछि सँगै काम गर्न लागेका हुन्। गत डिसेम्बरमा यो मुहूर्तका लागि मुम्बईको फिल्मसिटीमा भेला भएको थियो।

फिल्ममा सलमानले आफूलाई फिट देखाउन कडा मेहनेत गरिरहेका छन्। फिल्मको लागि उनी दैनिक साढे ३ घण्टा हार्ड ट्रेनिङ् गरिरहेका छन्। जिममा घण्टौं वर्कआउट गर्नुका साथै उनले आफ्नो खानपिनमा पनि परिवर्तन गरेका छन्।