‘बडे मियाँ छोटे मियाँ’को टिजरमा अक्षय र टाइगरको जबर्जस्त एक्सन (भिडिओ)

बलिउड फिल्म ‘बडे मियाँ छोटे मियाँ’को टिजर सार्वजनिक भएको छ। टिजरमा मुख्य अभिनेता अक्षय कुमार र टाइगर श्रापको जबर्जस्त एक्सन छ।

फिल्मको टिजर साउथ सुपरस्टार पृथ्वीराज सुकुमारनको भ्वाइस ओभरबाट सुरु हुन्छ।

उनी भन्छन्, 'प्रलय आउँदै छ। एक यस्तो प्रलय जसले भूत, वर्तमान र भविष्यलाई परिवर्तन गर्नेछ। एउटा प्रलय जसले असल र खराब बीचको युद्धलाई सदाको लागि अन्त्य गर्नेछ। भारत ध्वस्त हुनेछ। मलाई को रोक्न सक्छ?'

त्यसपछि आर्मी अफिरको भूमिकामा देखिएका अक्षय र टाइगरको इन्ट्री हुन्छ। उनीहरु भन्छन्, ‘हामी दिलले सिपाही, दिमागले सैतान‘ हामीबाट टाढै रहौँ, हामी हिन्दुस्तान हौँ।'

दुवैले भारतलाई बचाउन गर्नुपरेको लडाइँ टिजरमा देख्न सकिन्छ। यो फिल्म एक्सन र देशभक्तिको जबर्जस्त समिश्रण रहेको टिजरबाट थाहा पाउन सकिन्छ।