युनिकोड
‘कुटुमा कुटु’ बोलको गीत युट्युबमा २० करोड भ्युज पाएको छ। फिल्म ‘२ रुपैयाँ’मा समावेश यस गीतको भिडिओलाई युट्युबमा २० करोडपटक हेरिएको हो।
झन्डै सातवर्षअघि सार्वजनिक भएको यस गीतमा राजनराज शिवाकोटीको शब्द र संगीत छ। राजनसहित मेलिना राई र राजन इशानको स्वर रहेको छ।
२० करोड भ्युज पाएसँगै शिवाकोटीले फेसबुकमा स्टाटस लेख्दै खुसी साटेका छन। सरल शब्द भएकै कारण गीत लोकप्रिय भएको उनले उल्लेख गरेका छन्।
अशिम शाह निर्देशीत फिल्मको गीतमा निश्चल बस्नेत, स्वस्तिमा खड्का, आशिफ शाह, बुद्धि तामाङको अभिनय छ।
पार्टीदेखि विभिन्न समारोहमा बज्ने यो गीत नेपालमा निकै चर्चित गीत हो। विदेशीले पनि यस गीतमा टिकटक बनाएका थिए।
प्रतिक्रिया