नेपाली कथानक चलचित्र ‘माइकल अधिकारी’को पोष्टर सार्वजनिक भएको छ।
यो फिल्ममा ‘सेरोगेसी’ अर्थात कोख भाडामा लिएर बच्चा जन्माउने दम्पतीको कथा समेटिएको छ।
दम्पतीका रुपमा सौगात मल्ल र सृष्टि श्रेष्ठ देखिएका छन्।
सार्वजनिक पोष्टरमा यी दुई कलाकारलाई समेटिएको छ। राप्रपा नेता समेत रहेका उद्धव पौडेलले निर्माण गरेको ‘माइकल अधिकारी’ आगामी भदौ ३ बाट लिरिजको तयारीमा छ।
रञ्जित रौनियारले निर्देशन गरेको यो फिल्ममा सौगात र सृष्टिलाई विपन्न दम्पतीका रुपमा प्रस्तुत गरिएको छ।
सार्वजनिक पोष्टरमा सौगातले बोकेको खर्पनमा एकातिर सृष्टि र बच्चा देखिएका छन्, अर्कोतिर पैसाको चित्रण गरिएको छ।
फिल्मले आर्थिक अभावले कसरी मातृवात्सल्यतालाई पनि बिक्री गर्न बाध्य बनाउँछ भन्ने कथा पेस गरेको छ।
यो फिल्ममा सौगात र सृष्टिका साथमा आशान्त शर्मा, एनी कुँवर, हेमन्त बुढाथोकी, विद्या कार्की, सुजना ढकाल, दिलीप बोहराले पनि अभिनय गरेका छन्।
Shares
प्रतिक्रिया