किशोर मनस्वीको गजलः मेरो अफ्ठ्यारो हेरेर साँध सार्छ छिमेकी

खबर सुन्दा यो मन साह्रै अमिलो भएको छ,
थाहा छ मलाई, मेरो देश बिलैबिलो भएको छ।

व्यवहार उही राखेर व्यवस्थामात्रै फे¥यौँ हामी
त्यसैले त हरेक काम झन्झटिलो भएको छ।

मेरो अफ्ठ्यारो हेरेर छिमेकी साँध सार्छ
यता मेरो स्वाभिमान थिलोथिलो भएको छ।।

आमाको अस्मिता लुटिँदा हारगुहार गरेँ मैले
त्यसैले यो थुतुनो अगतिलो भएको छ।

छिमेकीको के कुरा नहुँदा मिलाप घरमा
दुनियाँमा मुख देखाउनै असजिलो भएको छ।