युनिकोड
अक्षय कुमार आजबाट ५४ वर्ष पुगेका छन्। उनको जन्म सेप्टेम्बर ९ १९६७मा अमृतसरमा भएको थियो ।
हिजोमात्रै आमा गुमाएका अक्षयको यो जन्मदिन निकै खल्लो र पीडादायक हुनेभयो । पहिलो पटक जन्मदिनमा आमा अरुणा भाटिया उनीसंग छैनन्।
अक्षयको परिवार यतिबेला निकै कठिन अवधिबाट गुज्रिरहेको छ । अक्षयले आमा गुमाउनुको पीड सहन सकिरहेका छैनन् ।
उनले आफ्नो आमासँगको फोटो इन्स्टाग्राममा आज सार्वजनिक गरे । तस्बिरमा अक्षय मुस्कुराइरहेका छन् र आमा अरुण उनको गालामा चुम्बन गरिरहेकी छन्। उनले तस्बिरका साथ एक इमोस्नल पोस्ट पनि सार्वजनिक गरे ।
प्रशंसक र सेलिब्रेटीहरूले अक्षयका पोस्टमा जन्मदिनको शुभकामना दिइरहेका छन् ।
आमा गुमाउनुको शोकबाट बाहिर निस्कन अक्षयका लागि उनीहरू प्रार्थना गरिरहेका छन् ।
अक्षयले आमासँग तस्बिर सेयर गरी लेखेका छन्, ‘मैले कहिल्यै सोचेको थिइनँ, जन्मदिन यस्तो हुनेछ। तर म पक्का छु आमा मलाई माथिबाट हेप्पी बर्थ डे भनिरहनुभएको छ । समवेदना र शुभकामना दिनुहुने सबैलाई धन्यवाद। जीवन चलिरहेछ।’
अक्षय ती स्टारमध्ये एक हुन् जो आफ्नो परिवारलाई काम भन्दा बढी महत्व दिन्छन्। उनी सधैं आफ्नो परिवारसँग नजिक हुन्छन् ।
आफ्नो करिअरको सुरुआतदेखि सफलताको उचाईसम्म पुग्न अक्षय सधैं परिवारलाई क्रेडिट दिन्छन् । ्
अक्षयले बुबा हरि ओम भाटियालाई सानै उमेरमा गुमाए। बुबाको प्रस्थानपछि उनले बहिनी अलका र आमा अरुणाको हेरचाह गरे।
‘मेरी आमाले मेरो ख्याल नगर्नुभएको भए म कहिल्यै यति ठूलो प्रतिष्ठा हासिल गर्न सक्षम हुने थिइनँ । मेरो सबै समस्याको समाधान आमासँग थियो। आमाले मलाई दिनुभएको कुरा मेरो बाँकी जीवनमा पनि कहिल्यै तिर्न सक्दिनँ’, अक्षयले एक अन्तर्वार्तामा भनेका थिए ।
प्रतिक्रिया